देवगंधर्व महोत्सव

दर्जेदार शास्त्रीय संगीताची २४ गौरवशाली वर्षे

हिंदुस्थानी शास्त्रीय संगीत विश्वात मानाचे स्थान मिळवलेला प्रतीवार्षिक सोहळा म्हणजे देवगंधर्व महोत्सव. कल्याण गायन समाजाच्या हिरक महोत्सवानंतर या महोत्सवाचा श्रीगणेशा करण्यात आला. प्रतिवर्षी डिसेंबरच्या दुसऱ्या आठवड्यात साजऱ्या होणाऱ्या या महोत्सवाची शास्त्रीय संगीताचे दर्दी रसिक आणि कलाकारदेखील आतुरतेने वाट पहात असतात.

आजपर्यन्त या महोत्सवात भारतीय शास्त्रीय संगीत क्षेत्रातील अनेक दिग्गजांनी हजेरी लावली आहे. त्यात स्व. खांसाहेब अब्दुल करीमखान, उस्ताद फैयाज खान, मास्टर कृष्णराव, बडे गुलाम अली खान, श्रीमती हिराबाई बडोदेकर, पं. कुमार गंधर्व, पं. भीमसेन जोशी, उस्ताद अली अकबर खान, उस्ताद झाकीर हुसेन, पं. हरिप्रसाद चौरसिया, पं. शिवकुमार शर्मा, श्रीमती किशोरी आमोणकर, श्रीमती प्रभा अत्रे, श्रीमती मालिनी राजुरकर अशा अनेक महान कलाकारांचा समावेश आहे.

या दिग्गज कलाकारांनी आपल्या सादरीकरणाने महोत्सवाला एक आगळेवेगळे परिमाण दिले असून महोत्सव एका विशिष्ट उंचीवर नेऊन ठेवला आहे.